ط
الشعر والأدب

قهوة سادة…بقلم / راندا سرور

غادة سرور
قهوه سادة 

على اللى  جوه مني
أكتب حزني في شعر و لا أغني
وقف الأحساس
كترت البلادة
ضحكوا علينا وقالوا
الموت عليكوا حق
أنتوا عبيد البيادة
وأصبح الموت في زمانه عادة
وأوعي قبل ما تنزل تنسي تقول الشهاده
ده أحنا حنوصل مصر للريادة !
هو ده الاسلام يا ساده ؟؟!!
واحد قهوه ساده
علي خانوا ولادي
رفعوا علم
مش علم بلادي !!
دول عايزين يمحوا تاريخ أجدادي !
قهوه ساده
في الجنازه
علي ولدي
صاحب القضيه
صاحب الثوره ديه
علي عابر سبيل مات من قنبله مداريه
عاملها كائنات ارهابيه
عارفين مين هم ؟
هم
الأجوانجيه
صحاب اللعبه الرخيصه ديه
قهوه ساده
علي جندك ايلي بيحرسك
و في عز الخوف يحضنك
ايلي فاهم معني
الحريه
الانتماء
و الوطنيه
ايلي ماسك سلاحه
ومهما جراحه
وتعبه بيفديكي
بيرضيكي
ما انتي أمه
حته منه
قهوه ساده
غصب عني
يمكن ده يأس
ضعف مني
قهوه ساده
و امتي يجي اليوم و اشربك فيه سكر زيادده؟؟

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى
Secured By miniOrange