قصيدة عامية : (لسان سجين سجان)
بقلم : محمد عاطف عبدالمنعم
البلد : مصر
لسان سجين سجان
اشكال كتير والوان
محبوس جوا الفم
محروس من الاسنان
قلوب بسحره تدوب
تقوم بسببه حروب
يقلب شروق لغروب
يقتل صاحبه الانسان
يغنى بكلام جميل
يهمس فصمت ليل
يشفى الم العليل
له سحر زى الجان
يخنق يقف ف الزور
يحلف و يشهد زور
ينطق كلام ب غرور
كدب ونقص وحرمان
لو يوعد الوعود
الكلمه منه عقود
قليل وكان موجود
فى زمن غير الزمان
لسان يصرخ يصفر
لسان يحرج يصفر
لسان ينفخ يعفر
بالشيشه والدخان
لسان ساكت أصم
لسان كلب يشم
لسان يبخ سم
لسان خطير ثعبان
فى الغيبه والنميمه
والفتنه والشتيمه
ذنب كبير وجريمه
مذكورا فى القران
يصلح اى شجار
يكتم كتير اسرار
يذكر مع الابرار
واذان بصوت رنان
اوقات يكون شرير
اوقات بيعمل خير
شكر وحمد وتكبير
كالثمرا فى بستان
خليك معاه عنيد
ورقيب عليه وعتيد
هتعيش معاه سعيد
وتكون معاه ف امان
لسان سجين سجان
اشكال كتير والوان
محبوس جوا الفم
محروس من الاسنان
