وحياة مقام سيدنا النبي
حقق ياربي مطلبي
نفسي أزور طه الرسول
واشوف مقام سيدنا النبي
أنا جيت أزور قبر الرسول
ومعاه صحاب سيدنا النبي
وأملي أنول حُب الرسول
وشفاعته تبقي ..مكسبي
ما هو مش حرام انا والأنام
نطلب شفاعته والنبي
وازاي أنام ….أنا والأنام
وف قلبنا……. حُب النبي
صلوا معايا وسَلموا
علي نور ونور كوكبي
واقروا كلامي واكتبوا
ألفين تحية للنبي
ساجد وعاشق قبلتي
وف قبلتي كان مطلبي
اعرف طريقي وخطوتي
توصل أوام عند النبي
يا رب إنت المستعان
يوصل سلامي للنبي
وألقي ف لقاه كل الأمان
والأمن …يملا كوكبي
*****************
رضا ابو الغيط
