ط
مسابقة الشعر العامى

ميلزمنيش لقب شاعر. مسابقة الشعر العامى بقلم / محمد عبدالصادق حسن

خاص بالمسابقة
قصيدة شعر عامية
محمد عبدالصادق حسن
من مصر
عنوان القصيدة ( ميلزمنيش لقب شاعر )
مليش ف الشعر
ولا هبقي ف يوم شاعر
ده بس شكلي في نظركم
وشوش كدابة بتنافق
كبير ف السن
قال الشعر
مراهق لسا بيرافق
بيعشق كل تاء مربوطة ويريل
أنا العيل
وبرضع لسا من زيفكم
وياما الوحي حليفكمَ تقولوا الحق
حثاله موهومين بالشعر
كبار ف الشعر غاويين دق
ودق الطبل والمزمار
عشان تاخد لقب شاعر
تقول حاضر تاخدها هزار
وندوة ويا قعدت زار
تسالي يا لب خد يا فشار
بمعني صحيح ترص كلام
ملكش دعوة بالأوزان
ولا بالبحر والهنا
أصوال الشعر في زمنا
هنجيب التاء تقولهلنا
وتاء ورا تاء
ولو يرجع فؤاد حداد
هيلعنكم
ويحضن شعره بالأشواق
شفوني شيطان
وقولوا كمان قليل الذوق
ما أنا مش واحدة هسحركم
ولا بعرف أكون كداب وجاملكم
ف ما الأخر
ميلزمنيش لقب شاعر

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى
Secured By miniOrange