الاسم ..نجوى عبد النور نجيب مصرى أسم الشهرة ..نجوى المصرى البلد ..العاشر من رمضان الشرقية الفيس بوك .. https://www.facebook.com/share/1FZC8ac6au/ نوع المشاركة ..الشعر العامي أسم القصيدة .(باقولك يا مجرم) ………. باقول لك ..يا مجرم يقول قلبي لأ وكارهاك بشدة فمن ضيقه دق يقولي بتكدب كلامك بجد مالوش أي حق وباحلف ماهرجع وتاني أرق وباحلف بديني ما هتشوفني تاني وألمح في طيفك فتجري عيوني بقوة تزق وكداب يا قلبي وأنت بتجري وهو اللي ساب وكداب يا قلبي وهو اللي حَبلي لافف لي رقبتي وعمره ما داب وهو اللي راحتي ولو كان عذاب وجارح في قلبي وبيه قلبي طاب فكنت العصاية لنفسي وعقاب وهو وجوده.. ولو كان مَآتة في أرضي ودابب وفيه قلبي داب ويسأل يقول لي.. وفين العتاب؟ وعنف الجواب؟ وقفلِة عيونك ورا كل باب قعادك لوحدك عنادك وبُعدك ّولَمّك لذكرى ورمْي ف دلاوب وغضبي اللي كان.. دا كله حقيقة وصار لي سراب بقيت الحمام ومن لحظة كنت.. معاه الغراب وناسي دا كله وناسي في مُره واحَلّي في نفسي.. لو ألمح في ظله وأنادي وأقول له.. ويا عمري كله وأشغّل في ثومة من الحب كله ولو في قميصه دا ريحة تراب أعطر بفُلّه ولو في رموشه شوية عذاب أكحّل له كُحلُه يقول لي ..جنان دا والله جنان أقول له حنان يقول لي ..دا فين؟ أقول له ..دا فيك يا أحلى الرجال يقول لي ..وزعلك.. وخوفك وغضبك ! أقول له ..دا موجة وخبطة في رملك يا عمري وعمرك يا مجرم يا قاسي ومنك باقاسي باصالحاك وناسي في أهلي وناسي يا تاجي وراسي ولو كنت شوكة ولو مُر كاسي باحبك بشدة.. يا واجع لي راسي وأرجع له تاني وأقسى وأغير وأهبط واطير وصافي ومطير وعبد وأمير وحر وأسير وشوكة وحرير وكله وعكسه ومن كلمة أعاكسه واشِمّ في ريحته وهو العبير وأسأل بشدة.. عن اليوم وناسه وقابلت مين؟ وكلمت مين؟ وفيه حد غيري دا سلم عليك؟ وخلى ف إيديك .. شذى الياسمين ف بيقول لي ..تاني؟ وأرجع وأندم ما عاد قلبي يزعل ولا ف يوم يغير وبأسف واحرّم ودا كله حالي واقولها له تاني.. باحبك يا مجرم باحبك يا مجرم
