ط
مسابقات همسهمسابقة الشعر

نفسي أسمع صوتك.مسابقة العامية للشاعر / هيثم عبد الحميد من مصر

خاص بالمسابقه (شعر العاميه)

نفسي أسمع صوتك

نفسى أسمع مره صوتك
نفسى أفرح لو يومين
ليه بتقتلنى بسكوتك
وقلبى يتعذب سنين
************
نفسى ألمح حتى طيفك
و لا صورتك فيا تسكن
ليه بترضى ليه ببعدك ؟
خلي قربك مني ممكن
***********
ترجمى العشق ف عيونى
أحضنى نبضي و هوايا
أسكنى احضان حفونى
دا إنتى م الدنيا منايا
**********
غرقينى فى هواكى
إرمى قلبى فى نار بحورك
أخطفى قلبى معاكى
إرسميلى نور بنورك
**********
توهينى…..ضيعينى
جوا قلبك وازرعينى
انتى نبضى وضى عينى
أوعي منك تحرميني
**********
سمعينى صوت كمان
لحن صوتك كالغروب
أغزلى بصوتك كمان
توب لفرحه صعب يدوب
**********
إمسحي بإيدك شجوني
كلمه منك تطفي ناري
تقتل الدمعه في عيوني
تسكن الفرحه مداري
*********
إروى قلبى بالمحبه
حطمى كل الشقوق
والأمانى حبه حبه
راح تاخدنا تروح لفوق
**********
إدبحى كل الظنون
إهزمى سطو السكوت
سمعينى صوت عيون
يحيى قلبى لو يموت
********
ياحبيبتي أوهبيلي
لحظه حلوه من حياتك
أو ياريت لو تسمحيلي
أقتل الصمت وسكاتك
*********
نفسى أسمع مره صوتك
نفسى أفرح لو يومين
ليه بتقتلنى بسكوتك
وقلبى يتعذب سنين

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى
Secured By miniOrange