ط
الشعر والأدب

هقيد الليله فوانيسى..قصيدة تعبر عن فرحة الشعب بترشيح السيسى للشاعر/ عيسى عبد الرؤوف

عيسى
هقيد الليله فوانيسى
بفرحة شعب مستنى
عشان السيسى دا رئيسى
هعيش فى العز متهنى

أعلنها اليوم ف خطابه
بفرحة شعب بالملايين
فرحوا وغنوا على بابه
وصوره مزينه المياديين

الله عليك يابن النيل
لما لبست توب النصر
بلون قمحى وحلو جميل
قومى غنى ياأمى يامصر

إبنك حامى لحدودك
وجايب الفرحه وياه
قسم اليمين على خلودك
حامى شعبك واحنا وراه

بس أمانه ياسيسى
تجيب الحق للمظلوم
انت حمايا وونيسى
شعب مسكين وكله هموم

عايزك تعاملنا بضميرك
مابين العدل والمساواه
رفضنا ناس كانوا غيرك
داسوا علينا وقولنا الأه

أنا وياك وبدعيلك
تعوضنا عن إللى فات
ولما اعوزك أناديلك
وننسى زمان ولى ومات

===============
الشاعر عيسى عبد الرؤوف

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى