ط
الشعر والأدب

هيا حكاية ..للشاعر / محمد رويشد


هي حكاية :
================
هي حكاية ولا رواية
إن البت تسيب تعليمها
عايزة تدور على سعادتها
اصل الواد في الحارة شاغلها
ليل ونهار مسجات ورسايل
أو رنات سهرانة ف ليلها
يبقى البنت تسيب تعليمها
بس الموضة كمان شغلاها
لبس جديد والشنطة معاها
نسيت إن الفقر قاتلها
تهرب منه في شكل ضفاير
أو قصات وموضات تعملها
والإعلام المصري ده هايل
نور ومهند زين وعزيزة
ليلة صعيدي وليلة ذواتي
والأتراك في ليالي بطولها
يبقى البنت تسيب تعليمها
ليه تتبهدل بين كراريسها
تصحا الفجر عشان تجهيزها
نوم الصبح لذيذ يا أخوانا
بلا تعليم بلا قلب دماغ
سيبوا الدنيا تسير مراكبها
يالي ظلمتوا البت معاكم
غاب الوعي في جهل راكبها
شوفوا أبوها وكم أخواتها
والأسعار والزحمة في بيتها
والتعليم ومناهجه البايته
والإرشاد الديني فايتها
لو تتكلم اخرسي خالص
لو تتعلم صنعة تفوتها
والله ظلمتوا البت معاكم
حق عليها تسيب تعليمها

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى