و فـ يوم م الأيام
أغنية \ و فــ يوم م الأيام \
من كلمات الشاعر \ جمال الشرقاوي \
و اتقابلنا
أنا و انتَ
سوا من غير معاد
و لُـقانا بشوق كإنه
يــ حبيبي م هيتعاد
بكلام مليان حِنيَّـة
كلِّمتك … كلِّمتني
وعرفتك و عرفتني
و عشت معاك ليالي
فــ بحرَك غرَّقتني
صحيِّت روحي فيَّة
و فــ يوم م الأيام
و انتَ
بتضحك عليَّه
شفتك و انتَ بتخدع
كنت بتـسـَّـلىَ بيَّه
معيِّـشني فــ أحلامَك
بتنسىَ جراح أيامَك
بيَّه شويَّة شويَّة
و اتقابلنا
أنا و انتَ
سوا من غير معاد
و لُـقانا بشوق كإنه
يــ حبيبي م هيتعاد
بكلام مليان حِنيَّـة
ابتديت تبعد مني
بقيت تقول أعذار
لقيتك مشغول عني
بتهجر من غير إنذار
ليه ضيَّـعت غرامَك
ليه بترجع فــ كلامَك
يــ أغلىَ من عنيـَّه
و اتقابلنا
أنا و انتَ
سوا من غير معاد
و لُـقانا بشوق كإنه
يــ حبيبي م هيتعاد
بكلام مليان حِنيَّـة
كلِّمتك … كلِّمتني
وعرفتك و عرفتني
و عشت معاك ليالي
فــ بحرَك غرَّقتني
صحيِّت روحي فيَّة
Facebook Comments Box
