ط
الشعر والأدب

قصيدة : لو مقدرتش تبعد عني . للشاعر / رضا أبو الغيط

لو مقدرتش تبعد عني

خلي عيونك دي تطمني

وانا يا حبيبي هاافهم اني

قلبك لسه مشغول بيا

وان ما قدرتش تيجي ناديني

باللي م بينك انت وبيني

وانا يا حياتي اكيد من عيني

ها اقنع قلبي ونن عينيا

يا اللي بتهرب دايما مني

وتسيب قلبي يواجه ظني

ليه أفعالك بتجنني

وانا بوهب لك قلبي هدية

ليه بنعذب روحنا بروحنا

واحنا بإيدنا نداوى جروحنا

ونقيد شمع ف ليل افراحنا

ونعيش احلي سنين وردية

قرب مني حبة بحبة

لو محتاج من قلبي محبة

وبلاش تلعب بيا الجبة

واهدى ياروحي عليا شوية

***********************

رضاابو الغيط

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى