ط
الشعر والأدب

يا سلام..مساجلة شعرية للشاعر عونى هشام والشاعرة ,قيثارة الأمل

عونى وقيثاره
مساجلة شعرية ——- بعنوان يا سلام
بين عونى هشام ______وقيثارة الامل
=====================
يا سلام لما تشوفنى
واشوفك
ياسلام لما انول ودك
انا انسى الدنيا واجيلك
ما يهنش عليا اصدك

قيثارة

وعد ومكتوب لى اقراه
على دقات قلبى وفى حبك
وان قولت اكره مقدرشى
او حتى ابعد معرفش
القلب وخدينى بعيد
ورجعت لقيتنى فى حضنك

عونى

يا سلام كان بينا حكاية
مكتوبة فى الف رواية
اناليلى نهارى اقراها
وفى حلمى ماليها نهاية

قيثارة

الروح بتقولى بحبه
واتمنى العيشة بقربه
والعين بتقولى انساه
ازاى وانا ساكنة فى قلبه

عونى هشام

تبعدنى ليه وبحبك
انا قلبى ساكن قلبك
لو يوم راح تبعد عنى
اتعذب ليه وفى قربك

قيثارة

بدعيلك تشرب نارى
ودوق والنعمة مرارى
القلب يقول مش دارى
دة مولع فيا نارين
شاغل قلبى وافكارى

عونى

دا كتير القسوة عليا
وبعادك اثر فيا
ارحمى قلبى وتعاليلى
هتلاقى ود وحنية

حبيتك حب كبير
ربيتك كنت صغير
يا هنايا وسعدى معاكى
تعاليليى بدون تأخير
نعاليلى بدون تاخير

قيثارة

انا شفت الجنة معاك
وهنايا ساعة ما القاك
اشتاق لوصالى بقلبك
واغنى لحن هواك

العين بتقول عشقاك
والقلب اخدته معاك
بس اياك بتلعب بيا
بتزود نارك فيا
قرب وبدون تفكير
الحب ارحم بكتير
انا قلبى وقلبك دايما
فى الموعد ليه تأخير
=============

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى
Secured By miniOrange