خير الأعمال .مسابقة الشعر العامى بقلم / مسعد ابو همسة من مصر

خاصة للمسابقة بعنوان خير الأعمال
.
ادعي لسبيل ربك . بالحكمة والموعظة
الكــل هيحـبك . وتنـول ثواب العظة
خــليـك أمـين . ودعـــوتـك بـاللـيـن
تفتح قلوب ملايين . وتحقق المعجزة
.
متسبش اخوك غرقان في بحرذنوب
وتلوم عليه لو شفت منه عيوب
لو سبته قولي مين اللي هينجيه
ياخـد أديه يدعيه . لـربه يتوب
.
لو كنت مخلـص بتحب اخـوك لله
ازاي تسيبه يضيع . وترضي أذاه
مش خايف عليه من عقاب مـولاه
مش خايف تكون نار العذاب مثواه
لومات اخوك ع الحال ده قدام عنيك
العيب عليك لومنتش سبب في هداه
.
متقـولـش ده فـاسـد . سيبك منه
عاصي وناسي اخوه وأبوه وأمه
فرعون لما طغي ربك أمر موسي
يدعيه بحكمة وعظة ميخفش الأذي
منه …
غرقان اخوك في بحور من الظلمات
طـوق النجـاة . بالعـبرة وبالأيـات
طبطب عليه وقـوله احنا اخـوات
تعالي ننسي اللي فات وربنا يعينا
نزرع بذور الخير ونبدر الحسنات
بالحب في الله نحصد ما نتمني
ربك في ظل العرش من حرالشمس
يحمينا
وناخد بأيد بعضنا وندخل الجنة
……………………………….
كلمات مسعد ابو همسة