كبرت يـــا ولدى وبجيت طولى وجم وخــــــدوك على الديش بجيت راجـــــل عملك بُطولى تجــــول أموت ووطنى يعيش أنـــــا بعــدك بجيت بطـولى ورجليا وجفت مـــا بتمشيش وتجـــول يا أماى أنتى تطولى أنـــا شهيد يا أماى ما تبكيش إندهى ع الكل يـــلا زغرطولى وجولى ولدى زيه مـــــا فيش أخــــــر مكتوب منه كتبهولى أموت يا بلدى ومــــا تموتيش مكتــــــوب و بدمه عطرهولى والمكتوب بالدم مــا يتمحيش بإسم الله والصلاة ع الرسولِ كيفك أماى وكيف خوى عليش وأبــــــويا كيف حــــاله جوللى بعد نظره ما بجى شيش بيش خيتى ناعسه عريسها أوصفهولى راح أجهزها وكمــــان سفرة ونيش وأعمامى وعمتاى خالاتى وإخوالى كيف حالهم ولا ما بتسأليش وأحبابى وكل أهلى وخـلانى أخبارهم إيه أنتى ما تعرفيش وحبيبه الجلـب اللى بتهوانى خليه سر يا أماى ما تجوليش فاضل لى أيــــام وشهر تانى وأخلص أنا خدمتى فى الديش راح أخدكم كلكم فى أحضــانى حضنك أنتى يا أماى ما يتنسيش وده كان أخر مكتـــــــــوب جانى بعدك يـــــــا ولدى كيف أعيش هلال ابراهيم
