أداة تنبية ..مسابقة شعر العامية بقلم / بهاء محمد عبده من مصر

قصيدة بعنوان ” أداة تنبيه ”
بقلم : بهاء محمد عبده ( بهاء أبو آدم )
رقم الموبايل : 01007492643

وطير جامح
بيقطع في شِباك الخوف
بيدخل بين خطوط رسمك
بيتهجى معانيكي
يسيب نفسه عشان يفضل
ف عين حرفك
كما الوالي على ارضك
كما الفارس دفع مهرك
خَطَف نجمة حَفَر بيها
حروف اسمك على الهادي
وساب روحه عشان يرسم
نقش صورتك
ببال رايق
ببصمة صوت ترانيمي
فتح قلبك
ينادي فجرك المانع
يفارق وردة ع الشباك
وبخرج من دواير وعي
ويحضن قلبي ألوانك
يدوب هو كما السكر
وانا ساكن ف أحضانك
تزيد نسبة هواكي بحور
وباغرق جوه امواجك
ودايب ف الهوا المحدوف
وبيهفهف خُصل شعرك
بيرسم بين جمال رسمك
عيون نجمة
بتلمح من بعيد أشواق
أنا المشتاق أشوف مرمر
تدوب سكر ف شهد العمر
بحرف النون
يبان النور
يامحبوسة مابين رمشي
وجفن العين
يابنوته ولابسة جديد
وفرحانة بلبس العيد
على يدي
واحسك نبض جوايا
ولأنك عيون بكره
بطرح ورد
يازهرة ونبتة ف سمايا
تمطر خير
قصاد بابي
فــ أية ؟! … يمنع
أشوفك ضحكة ف مرايتي
بتتغازلي بأشعاري
يازهرة عمري ياطارحة
ثمارك نور
عيدانك فُل بتسكرني
بريحة وردة الياسمين
بتمنعني
أحُط ف صفحة اوراقي
أداة تنبيه