فاكر ياامى . مسابقة الشعر العامى بقلم / محمود عبد الله من مصر

حاجات كتيييير فكرها يا امي

وحياة ايات القران اللي
عفظها علي يدك
و حياة الجنة اللي
تحت رجلك
وحياة خدي اللي
ياما ادفي ف حضنك
مفيش حد بيحبني
في الدنيا قدك

حاجات كتيييير فكرها يا امي

فاكر اول
مادخلت الابتدائية
وقتها جبتيلي
الشنطة هدية
و قولتي كبرت يا ابني
و دموعك ملت ايديا

حاجات كتيييير فكرها يا امي

فاكر لما كنت بجري
تقولي يا ابني
علي مهلك
تجيبي البوم صور
وتقولي دول اهلك
تحببيني ف كل الخلق
و تقولي الخلق هتحبك
بس اوعي
تروح لاي حد يندهلك

حاجات كتيييير فكرها يا امي

و كبرت حبه
و صوتي تخن حبه
فيكي بقيت بجرح
تسمحيني وانا
من تاني ابجّح
و اقول لك انا كبرت
بلاش تبصي عليا
لما الليل يليل
تقولي يا ابني
مهما كبرت
في نظري عيل

حاجات كتيييير فكرها يا امي

انا عارف انك شمس منورة
و قمر بيشع ضي
ضحكتك تحكة مبشرة
بالخبر اللي جي
ضمتك ليا الحياة
و دعوتك ليا النجاة
انتِ و حجرك الجنة
رضامي كل ما أتمنى
ف عيونك الزمن غني

ف حاجات كتيييير فكرها يا امي