الاسم …. محمد ثروت عبدالحفيظ
من مصر…رقم التليفون ٠١٠٦٠٥٢٩١٤٨
مشاركتى……شعر عامى
قصيده بعنوان…… اصرخ ياقلم
اصرخ وقول ياقلم
صرخة بكاك مش عيب
احكى عن اللى إتظلم
واللى عايشها غريب
انزف هموم دمعتك
احكى ظروف هدتك
من دنيا حالها عجيب
جوانا صرخة ألم
محتاجة ألف طبيب
سنين جراح وضنى
أحلامنا متبعتره
ملينا م الترتيب
سهم الخيانه غلب
الحق منا إتسلب
والفضه زى الدهب
وضميرنا ف التغييب
اصرخ بعلو الصوت
خلى الأهات تموت
جوانا شيئ مكبوت
وأنت صراخك دوا
مفعوله مش بيخيب
أيام بتهد فينا
وأحنا صبرين عليها
لا راضيه تحس بينا
ولا بنصعب عليها
وشاكينا مهما شاكينا
احتار فينا الطبيب
وأما الميزان أتعوج
إبن الأصول إتحوج
سلم وعاش دنيتة
وداق عذاب سكتة
ما بقاش يسانده حبيب
اصرخ وقول ياقلم
صرخة بكاك مش عيب
كلمات الشاعر محمد ثروت عبدالحفيظ
