خيال فى خيال هجرت الشعر وكتابته…… خلاص ما بقاش يا ناس و قته
طلع قال أيه
خيال فى خيال
غلطت إنى صدقته
دا ياما خدنى فوق
فى سمااااااه
وسابنى ……
لما إحتاجته
وكنت العاشق
الولهااااان
وفارس قال
بألف حصاااان
لكنى خسرت
معركته……
بعت لى وقال لى
مش يومك
ما نيش قادر
على همومك
دا أخر حرف
فى رسالته
خسااااااره
بعت عمرى بلاش
وفى الأخر…..
بقيت ماسواش
حقيقى يا ناس
ماهوش وقته
وغلطت
إنى صدقته.
أحمد شاهين
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
