أمل . مسابقة السيناريو والحوار (دراما ) بقلم / السيد فتحى عبد الكريم.مصر

• اسم المتسابق \ السيد فتحى عبد الكريم .
• البلد \ مصر.
• اسم العمل \ ( أمل )
• نوع العمل \ سيناريو و حوار .
مقدمة :
انطلاقا من مشكلة الزواج المبكر و ايضا الخروج المبكر من التعليم بالنسبة للفتيات …تلك المشكلة التى لاتزال سائدة فى بعض مناطق الريف ..اقدم سيناريو وحوار لفيلم قصير يتناول هذة المشكلة .
( النص )

مشهد (1) – نهار \ خارجى .
مشهد عام من اعلى لمنازل ريف مصرى فى الوقت المعاصر ( تحديدا بداية العقد الاول من الالفية الثانية) تظهر خلف المنازل حقول خضراء .
قطع
مشهد (2) – نهار \ خارجى .
تسيرالكاميرا وسط شارع ريفى منازله متلاصقة على الجانبين ..نرى شخص بجلباب يمتطى حمارا … مركبة (توتوك) …شاب فوق دراجة هوائية ..الخ
تلتفت الكاميرا الى احد المنازل الذى فجأة تنفتح نافذة منه وتظهر فتاة تقوم بتنظيف النافذة من الخارج بقطعة قماش …تصعد اليها الكاميرا شيئا فشيئا تضح معالمها فتاة مراهقة قمحاوية اللون ترتدى طرحة زرقاء خفيفة و(عباية بيتى ) .
قطع
مشهد (3) _ نهار \ داخلى .
الكاميرا فى مواجهة النافذة من الداخل تظهر ذات الفتاة المراهقة وهى تكمل تنظيف النافذة من التراب …تسير الكاميرا إليها لتصل الى النافذة فتطل الكاميرا الى الشارع حيث المارة ..تدخل كادرالكاميرا فى الشارع فتاة مراهقة اخرى بيضاء اللون سوداء الشعر الاملس ترتدى (تي شرت حريمى و بنطلون جينز حريمى ) تنظر لإعلى ثم تقف وتنادى بلهجة ريفية …
” يا أمل جبتى النتيجة بتاعتك ” .
قطع
مشهد (4) _نهار خارجى .
الكاميرا فى الشارع اسفل نافذة (امل ) وتظهر فى الكادر الفتاة الاخرى وطبعا ( امل ) تظهر من النافذة
(امل ) : ليه هى ظهرت يا ( إيفون ) ؟؟
(إيفون) : ايوة من الساعة تسعة… تديهم هناك خمسة جنيه يدوكى ورقة مكتوب فيها كل درجاتك والمجموع .
(امل ): وانت عملتى اية ؟
(إيفون): نجحت الحمد لله .
(امل ): مبروك …هروح ابعت اخويا (على ) حالا عشان محدش فى البيت
(إيفون ) : طب هبقى اجيليك بعد العصر كدة.. ماشى.. ياللا سلام .
تتحرك (إيفون ) تخرج من كادر الكاميرا ثم تدخل ( امل ) الى الغرفة .
قطع
مشهد(5) _ نهار \ داخلى .
الكاميرا خلف (امل) وهى تتحرك شبه مسرعة لتخرج من الغرفة ثم الممر امام الغرفة لتقف على اخر الدرجات العلوية للسلم تنظر لإسفل فيظهر فى كادر الكاميرا فناء البيت من اعلى وتنادى ….
يا (على) ……(على) …..ياد يا(على).
يدخل الكادر (على) وهو مراهق فى المرحلة الاعدادية .. ينظر لإعلى حيث (امل) ويجيبها قائلا …
” ايوه …ايوه … كل شوية ياعلى ياعلى …عايزة اية “

(امل): إسمع …. خد خمسة جنية من البك بتاع امك عندك وروح هاتلى النتيجة بسرعة …تديهم الخمسة هيدوك ورقة فيها النتيجة ..فاهم ؟
(على) : حاضر .
(امل ) : متاخرش انا هنا فوق بوضب الاوضة .
قطع
مشهد(6) _ نهار \ داخلى .
تتجه (امل ) الى داخل الغرفة والكاميرا خلفها تدخل الغرفة تمسك بقطعة القماش لتكمل تنظيف الغرفة …الكاميرا تترك (امل ) لتتحرك ببطء الى ساعة الحائط فى الغرفة والتى تشير الى العاشرة والربع .
قطع
مشهد(7) _ نهار \ داخلى .
تظهر فى الكادر ذات الساعة فى الغرفة وقد مر الوقت واصبحت تشير الى الحادية عشرة إلا عشر دقائق …تتحرك الكاميرا داخل الغرفة تثبت الكاميرا عند النافذة و (امل) تنظر منها إلى الشارع تلفت يمينا تارة ويسارا تارة ..ثم تتحرك إلى داخل الغرفة وتقف (امل) امام ساعة الحائط تنظر إليها وقد ظهر عليها القلق لتخاطب نفسها بغضب…
” ماشى..ماشى يا(على)..تلاقيك تلكعت فى الطريق مع العيال زى عوايدك ”
تعود الى النظر من النافذة ثم فجأة تندفع مسرعة للخروج من الغرفة تتبعها الكاميرا لتنزل مسرعة الى فناء الدار ثم الى البوابة الخشبية الكبيرة للبيت تفتحها فيظهر فى الكادر اخوها (على ) لتقول له بلهجة امتزجت فيها الغضب مع الاستهزاء ..
” حمد لله عالسلامة يابيه ” .
قطع
مشهد (8)_ نهار\ داخلى
الكاميرا فى مدخل البيت من الداخل فى مواجهة البوابة الخشبية للبيت …. (امل) فى مدخل البيت تتناول الورقة من اخيها (على) وتقرأها بتلهف ويظهر على وجهها ابتسامة كبيرة تدل على السعادة والرضا ..
هنا يقول لها اخيها (على) : ” الاستاذ (احمد شومان ) قريبنا قالى انك طلعتى التانية على اولى ثانوى ”
(امل) ترد وهى ممسكة بالورقة وقد زادت الابتسامة :
” اكيد الاولى البت ( صفاء عبد الحفيظ) ”
يدخل من البوابة الخشبية والد (امل) و (على) ..رجل ضخم البنيان يرتدى جلباب ازرق وقد ظهر الشيب فى راسه ….ينزل من فوق دراجته الهوائية ..يسرع اليه (على) قائلا :
” اباه ..جبت ل(امل) النتيجة وطلعت التانية على المدرسة ”
يبتسم والدهما وهو يقول ” صح يا (امل) ”
ترد امل بإبتسامة ” ايوة الحمد لله ”
يمسك بالدراجة الهوائية ويدخلها ويسندها داخل المدخل ثم يتناول ورقة نتيجة النجاح من (امل) ويجلس على كرسى كان فى مخل البيت ويبدأ فى قراءة الدرجات .
(امل) تتحرك لتقف بجوار الكرسى الجالس فوقه ابوها قائلة له
: ” اباه انا هدخل قسم علمى فى الثانوية العامة ان شاء الله ”
يرفع والد (امل) رأسه ناظرا إلى امل وهو يقول :
” العلمى عايز مذاكرة وتعب ..هتقدرى عليه ”
(امل):
” ايوة ان شاء الله …ان فى تالتة اعدادى كنت الرابعة عالمحافظة … وان شاء الله هذاكر من دلوكيت ”
(والد امل) :
“ماشى يا (امل) ربنا يوفقك يابتى…… هى امك لسة ما جتش من عند بيت جدك ولا ايه ”
(امل): ” لا لسة …هروح انا و (على) نستعجلها وبالمرة ابشر جدى وجدتى زى كل سنة ”
(والد امل) : ” روحو بس متعوقوش ”
قطع
مشهد (9)- نهار \ خارجى .
تظهر فى منتصف الكادر البوابة الخشبية لمنزل(امل) من الخارج ..تخرج امل من البوابة الى الطريق وقد ارتدت ملابس الخروج تتمشى بضع خطوات لتلتفت إلى البوابة خلفها وتنادى …:
” ياللا يا (على ) ”
يخرج (على) من البوابة مسرعا يلحق ب(امل) ثم يسيران معا ويخرجان من كادر الكاميرا
قطع
مشهد (10)- نهار \ خارجى .
الكاميرا فى شرفة علوية (بلكونة ) و يظهر فى الكادر الشارع اسفل الشرفة وبه المارة ومن ضمنهم (امل) و (على) يسيران معا تسير الكاميرا معهم حتى يخرجان من الكادر .
قطع
مشهد (11) – نهار \ خارجى
يظهر (على) يملأ كادر الشاشة حتى كتفيه وهو يسير بجوار اخته (امل) ….يهمس ل(امل) دون ان ينظر إليها قائلا :
” مش دى زميلتك (احلام) اللى كانت ساعات تيجى تذاكر معاكى ”
تتحرك الكاميرا إلى (امل) فتملأ كادر الشاشة حتى كتفيها ترد قائلة ” ايوة هى …. والله ما عرفتها …. كان مستواها حلو والله بس سابيت القراية واجوزت واحد من نجع الرضوانة ”
قطع
مشهد(12)- نهار \ خارجى .
مشهد من الجانب ل(احلام) فتاة …ترتدى عباءة سوداء مزركشة و طرحة سوداء يظهر عليها علامات الحمل فى الشهر الاخير لذلك تسير ببطىء يظهر على وجهها التعب اثناء المشى .تسير الكاميرا معها ببطىء وفجأة تبتسم وتقول بصوت عالى لكن متعب :
” يااااااه يا (امل )عاش من شافك ”
قطع
مشهد (13) – نهار \ خارجى .
يظهر فى الكادر منزل فى الطريق ..بعض المارة يمرون من امامة ..تدخل (امل) بالطول الكامل من يمين الكادر ثم تدخل (احلام) بالطول الكامل من يسار الكادر … ثم قبلات واحضان بينهما ..اثناء ذلك يدخل الكادر (على) يسير ليجلس فوق مصطبة امام المنزل الذى فى خلفية الكادر ….يدور حوار بين (امل) و(احلام)
واثناء الحوار تقترب الكاميرا شيئا فشيئا منهما ..
(امل) : ليكى وحشة والله .
(احلام) : انت الاكتر ويعلم الله .
(امل) : برضة سنة ما اشوفكيش .
(احلام) : الظروف والله والدنيا .
(امل ) :طمنينى اية اخبارك ..عامله فى الجواز ؟…وعامله ايه فى الحمل ؟
(احلام) : اسكتى يا (احلام) شاربة المر من حماتى والله … ولا بونى هية ولابونى تعب الحمل الشديد .
(امل) : لييييه ؟
(احلام) : طبعها شديد وناشفة وهى اللى ماسكة البيت ومنشفاها علينا مع اننا مبسوطين والحمد لله .
(امل) : طب وجوزك ؟
(احلام): جوزى مرة كدة ومرة كدة .
(امل) : ربنا يهدى سرك … ويهديها عليكى .
(احلام) : يارب يارب ….. وانت ايه اخبارك …عملتى ايه فى اولى ثانوى ؟؟؟
(امل) : الحمد لله نجحت .
(احلام) : خشى علمى على طول يا(امل) ..انتى كنت متفوقة معانا ..
(امل) : ايوة ان شاء الله انا ناوية على علمى .
(احلام) : كان نفسى اكمل معاكم بس النصيب .
(امل) : كل حاجة نصيب … تعالى هرجع معاكى لبيتنا نقعد شوية .
(احلام) : لا مش دلوكيت .. بس هبقى اجيلك والله …ابقى سلميلى على امك عشان هى التانية وحشانى والله .
(امل) : يوصل ان شاء الله ….
(احلام) : مع السلامة يا(امل)
(امل) :مع السلامة .
ثم تحتضنان بعضهما بعضا
تسير الكاميرا للوراء حتى تظهر (امل) و (احلام) بالطول الكامل … تخرج (احلام) من الكادر … تلتفت (امل) الى اخيها على قائلة له : ” ياللا بينا يا (على) ”
قطع
مشهد(14)- نهار \ خاجى .
الكاميرا فوقهم مباشرة تسير (امل) فى الطريق ناحية يسار الكادر ..بينما تسير (احلام) فى الطريق ناحية يمين الكادر .
( هذا المشهد تعبيرى يعبر عن اختلاف الطريق فى الحياة )
قطع
مشهد (15) – نهار \ خارجى .
تظهر (احلام) بالطول الكامل تسير فى الطريق وفى الخلفية (امل) و (على) يسيران الى الناحية الاخرى …تقترب الكاميرا من (احلام) حتى يملأ وجهها الكادر وقد ظهر على وجهها الالم والتعب اثناء السير .
قطع
مشهد (16) – نهار \ خارجى .
يظهر فى الكادر كلا من (امل) و (على) بالطول الكامل يسيران فى الطريق ويتحدثان مع ابتسامة ل(امل) وفى الخلفية (احلام) تسير الى الناحية الاخرى .. تقترب الكاميرا من(امل) حتى يملا وجهها كل الكادر وقد ظهرت ابتسامتها اثناء حديث اخيها (على) اليها …
قطع
مشهد (17) – نص كتابى .
تظهر على الشاشة عبارة ….
” طالما هناك تعليم ..فدائما هناك أمل ”
( النهاية )