أمى الحبيبة . مسابقة الشعر العامى بقلم/ محمد حسن ابراهيم احمد.مصر

خاص بالمسابقة
الادب
الخاطرة
الاسم / محمد حسين ابراهيم احمد
مصر
القاهرة
الموبايل .01222920745
عنوان العمل / أمي الحبيبة

أمي الحبيبية

متعود منك كل يوم الصبح تكلميني و اكلمك كام دقيقة
و اتصبح بدلعك لاسمي و أقفل بدعوتك الجميلة
مكالمة كل يوم الصبح ..بتدي لقلبي الطمأنينة
ربنا يخليكي لينا و يديكي طولة العمر و الصحة و العزيمة
أمي الحبيبة
بانشغل عنك باقى اليوم فى دوامة الحياة
شغلي واخد كل وقتي حتي من أسرتي ..معاناه
كل يوم بيعدي منى و ما اشوفكيش
بيقلل من عدد المرات اللي هاشوفك فيها .. و أسفاه
ربنا يخليكي لينا ..انا باتكلم عن عمرى انا كمان ..احنا بشر و موحدين بالله
أمي الحبيبة
انا خايف ..مرعوب ..من لحظة عارف اني هاندم عليها
علي كل ثانية و دقيقة ..مكونتش تحت رجلك فيها
يا رب خليها طول عمرى و حياتي ده انا مش عايش غير بيها
الام دي كنز ..هيعرف تمنها..اللي ماعش معاها و لا ليها

أمي الحبيبة

سامحيني يا أمي علي تقصيري معاكي
سايبيك لوحدك و مشغول فى حساباتي
بس انتى معايا دايما فى صلاتي و دعواتي
يا رب يخليكي ليا و تدعيلي و تنورى كل حياتي
أمي الحبيبة