خاص بالمسابقه
الاسم : احمدرجب حسن
نوع القصيدة عاميه
الدوله: مصر
تليفون: 01117941651
(امى)
امى يا ابتسامه دبلانه
من تعبها وهمها ويانا
مهما هوصف حبى ليكى
لما كنت من ابويا بدارى فيكى
ولما كنت برجع اخر الليل
وجوة حضنك دموعى تسيل
كنتى تحابى وتطبطبى
ولما اعيا انتى تتعذبى
وانا كنت قاسى عليكى ياما
متهور ومن جوايا ضلمه
لسه فاكر الابتسامه لما كنت اعيط
لسه فاكر يابنى انجح نفسى ازغرط
لسه فاكر هات العيش وخد الزباله معاك
كنت اعارض كنت اجادل وهى تقولى خد دواك
كل يوم اقول بكرة هراضيها
بكرة يعدى وبرضة اعصيها
مهما مصايبى منها اخبيها
مفيش حاجه بتدارى عليها
امى معنى الحنيه الخام
امى سهر الليالى والاحلام
امى شابه شابت على تربيتى
من لما تقولى تاتا وتسندنى من ايدى
لما كان راحمها اقرب من وريدى
وفى الشارع لما ابعد بخوف تنادينى
كنت منها ازعل كان صوتها يدفينى
كنت ياما اشتاق لحضنك تضمينى
لكنى كنت قاسى ومش مبالى
قبل ماتنطق اقول انا مالى
امتى اكبر واعيش مع حالى
ادينى كبرت وهى بس اللى بقيالى
