أمي . خاطرة شعرية بقلم / صفاء عبد ربه

الأمومه مش كلام

الأمومه إحساس ومعني

ماتوصله

مهما وصلت م العلام

ومش هاتقدر بالكلام

إنك توفيها حقها

دا الرب منحها الجنه

وقال تحت رجلها

لأجل مايكرمها

ويوفيها قدرها

لما جيت أكتب عن أمي

ضاع الكلام مني

ولقتني في حضنها

بصرخ وأقول سامحيني

وهيا ضماني بقلبها

كنت بتمرد عليها

وأجحد

أجحد الخير إللي فيها

وبردوا كنت ألاقيها

بتدعيلي ربنا

يهديني ويخليني

يحفظني ويحميني

وأنا ناكر فضلها

ولما ماتت

لما ماتت

عرفت إن الجنه تحت رجلها

ياربي

ياربي من قلبي بدعيك

وبتوسل إليك

تنور قبرها

وفي الأخره تجمعني بيها

وتقربني منها

يارب

يارب