أنا الدَمعَه اللى مِتشافَه ف وسط غيوم
أنا المَصرى اللى بَتعافى واعدّى اليوم
أنا الغَلبان اللى مِن هَمُّه بَقَا تَعبان
أنا اللى تَمَلّى بَدارى هَمّى وسط هموم
أنا المَطحون ف وسطيكُم
أنا اللى م الجوع بَحميكم
أنا الفَلاح اللى بإيدكم
بقا من هَمُّه يدفِن ألَمه جُوَه النوم
أنا المَظلوم
أنا الصّوت اللى مُش مَسموع
تِعيشو انتو وابات مَوجوع
أنا المَلسوع
أنا المَلسوع بنار قادِت عشان كُرسى
أنا العامِل اللى بَتمَرمَط وأكون مَنسى
أنا الغَلبان
أنا الإنسان اللى ف بَلَده بقا مِتهان
وكان ذَنبو الوَحيد إنو بقا مَصرى
أنا العَشمان
أنا العَشمان اللى كان نِفسه تِقوم بَلده
أنا العَشمان اللى كان نِفسه ياخُد حَقّه
أنا اللى مِن كُتر متظَلَم نسى إسمه
أنا الإنسان
أنا الغَلبان
أنا المِتهان
أنا المَظلوم
أنا المَطحون
أنا المَنسى
أنا المَصرى
