خاص بمسابقة همسه الأدبيه
قصيدة شعر بالعامية المصرية
الأسم – محمد عبدالصادق حسن
تليفون – 01010472121
أنا الشارع بكل ما فيه
………………………..
أنا الشارع .. أنا الزحمة .. أنا اللمـّه ..
أنا اللي جعلت ميم الوصل بالضمة ..
أنا هما ..
بأحزنهم و أفرحهم ..
كتبت الشعر من قلبي ..
عشان حاسس بأوجعهم ..
أوقات الحزن يجمعهم في وقت الفرح ..
تشوف البسمة في وشوشهم تداوي الجرح ..
بضحكة بريئة مع طيبة ..
عرقهم عطر تركيبة ..
بمعني حياة ..
كاحوت يونس في قلب البحر ..
دليل لنجاة ..
طب حاول مرة تسمعهم ..
وتمشي جوه حواريهم ..
دي مهما الدنيا توجعهم ..
في وقت الشدة تلاقيهم ..
دموعهم تروي عطش الارض ..
فتطرح ورد في أيدايهم ..
أنا منهم أنا ليهم ..
أنا الشارع بكل ما فيه ..
بفرحة شاب خلص جيش ..
بفرحة بنت جالها عريس ..
بفرحة يوم هلال رمضان ..
تلف عيالة بالفوانيس ..
بفرحة مينا و محمد ..
بلعبة سيجا أو خلاويص ..
يا حلم حلمته في الشارع ..
اتبدل في الحياة كوابيس ..
بداية قصة جوايا ..
بطالها لسه في الكواليس ..
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
