ط
مسابقة الشعر العامى

أنا المصري.مسابقة الشعر العامى بقلم / جوده فتحي عبدالعال

خاص بمسابقة مهرجان همسة الدولي
قصيدة / أنا المصري
شعر عامية
الشاعر جوده فتحي عبدالعال
مصر/ أسيوط/ديروط
01284131855
« أنا المصري »

يا صرخة قلبي من جوه…
عليكي يا مصر يا مجيدة…
وجيشك ف الميدان أبطال…
يا شايلة همومنا يا وحيدة…
د إسمك والنخيل عالي…
ونيلك للحياة شريان…
ومهما يغدر الخاين…
ومهما يطمس العنوان…
بدمي أجود وافديكي…
واروي أرضك الطاهرة…
يا ست الحسن يا كل الكون…
يا قلب أبيض وليه جناحات…
وساعة الجد تلاقيني…
أسد كاسر وليه جولات…
إسمك يا مصر عالي لفوق…
وهيفضل ف السما نسرك…
يطير يعلا يزيد الشوق…
يا سابقة جيلك وعصرك…
ولا يقدر جبان يكسر…
عزيمة شعب م الجدعان…
تاريخ يشهد على نضالك…
تاريخ يكتب وبيسطر…
أنا المصري أنا الإنسان…
علي حدودك أنا صاين…
شرف عرضك الطاهر…
ومهما يعمل الخاين…
هيفضل إسمك العنوان…
وهفضل إبنك العاشق…
لحبة رمل من سينا…
وبرد الليل وأنا ف حضنك…
لا بيفرق…
ما بين أحمد وبين مينا…
تدفيني لياليكي وأنا سهران
علي التبة..
أناجي ربنا الشاهد…
أناجي قمرك الولهان…
ولو سجنوني ف جفونك…
يا ست الحسن يا بلادي…
يا جنة ربي ف الوادي…
هيفضل إسمي أنا المصري…
أسير حبك شهيد نادي…
وأدعو المولي يا بلدي…
ما بين عشقك وبين ضيك…
وبين الروح وهِىِ طالعة…
كأني عريس ف الملكوت…
أنا المصري ولا يمكن…
أكون يوم عميل خاين…
أو أرهابي وعملي جبان…
أكون يوم عميل خاين…
أو أرهابي وعملي جبان.

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى