أنا محتاجه لمشاعرك تدفي قلبي من برده ومحتاجه لإيمانك بإني كونك الداير ف أفكارك
حدود طوله
حدود عرضه
أنا محتاجه لعيونك
تشوفني قمرك الضاوي
ف ليل عتمه
وأكون صوره ف بروازك
بترقيها من الحاسدين
فتخلق للحياه بسمه
ومحتاجه
احط أنا قلبي
فوق قلبك
تكون رسمه
ف كراسة ولد أسمر
يشخبطنا بألوانه
ومحتاجه
تكون عيدي
ولون الدم ف وريدي
وانا شريانك الواصل
لجوه القلب
يضخ الدم ف حياتي
يرجع لي
الحياه
والحب
ف ليه دايماً محسسني
بإني لما حبيتك
عملت أنا ذنب
ومحتاجه سنين تاني
أكفر بيها عن ذنبي
عشان أخنق بإيدي القلب
امل صيدم
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
