أنا مسافر مسابقة العامية بقلم / لسيد نور الدين محمد من مصر

بقلم السيد نور الدين محمد
الاسكندرية

شعر عامى
( انا مسافر )
أنا مسافر متسألنيش رايح فين
متحاوليش متسألنيش أنا نفسى مش عارف فين
يمكن أتوه فى بلاد الغربه
ويمكن ألاقيلى هناك صحبه
ساعتها هبعت أقول أنا فين
أنا مسافر متسألنيش رايح فين
أيوه بحبك مبخبيش
والغربه صعبه ومبيديش
وبقالى سنين على ده الحال
بنقول ونعيد نفس الموال
وتقولى تتساوى بس منين
أنا مسافر متسألنيش رايح فين