خاص بالمسابقة
شعر عاميه
الأسم خيري نصر خلف الله
من مصر
قصيدة بعنوان رساله
كنت بكتب ع العروبه
لما كانت ساكنه فينا
كنت بكتب ع البطوله
لما كنا أسود وادينا
جف حبري عن عروبتي
لما شفت القدس يبكي
من دموع اليأس نادي
يا عروبه إنتي دبتي
يا عروبه ده راضيكم؟
ولا إنتوا فات زمانكم؟
كنت اول قبله ليكم
كنت برضو صوت ادانكم
جم كلاب الغرب داسوا
فوق رقبتي وإنتوا عادي
فين اسودنا يحموا عرضي؟
نفسي اعرف فين ولادي؟
ليه هادوني للأعادي؟
ليه سابوني عليل انادي؟
والكلاب فيا بتنهش
تحت ضلعي شقوا وادي
الصهاينه دنسوني
واهل ديني دول ناسوني
نسيوا قيمتي وكسروا قامتي
ومن تاريخي استبعدوني
هيبتي أدني م المنازل
مره طالع الف نازل
مسحوا إسمي بالقزاره
وحطموني بسد عازل
يا عروبه 100خساره
ع التاريخ ويا الحضاره
أهرماتك كسروها
والمشانق ع المناره
طول حياتي نفسي أبني
صرح عالي للعروبه
نفسي إبني يحمي قدسي
بالعقيدة مش بطوبه
نفسي يهزم ف الأعادي
يبقي طرح وخير بلادنا
نفسي مره يبقي راضي
قلبه ينبض بإتحادنا
لما يكبر يلقي شرقه
حر من كل القيود
يلقي نفسه ف حضن شرقه
حزمه طارحه الف عود
يلقي روحه فيكي سابحه
والأمان فيكي يسود
ترجعي ف حضن ولادك
مطرودين نسل القرود
