_ارحلو_
الجلاء ودا مطلبى
مش عاوز اكتر من كده
سيبو بلادنا وارحلو
متزودوش كيد العدا
سالت الدماء من بطشكو
دستو الطهاره ف ارضنا
الام نزفت دمعها
من قهرها على ولدها
متخربوش ارض الجنود
سيبو بلادنا وعشنا
ومتدفنوش جوا الوليد
صوت الاجابه للندا
متضللوش شاب البلد
متهدهوش لما اهتدا
الارض شافت ف المنام
دفنتو فيها عزها
شجرها شاب حتى التراب
شبع ،ارتوى من دمنا
طمسطو ضوءها والنجوم
طفيتو نورها ف السما
بعتو الاراضى بجهلكو
فمتطلبوش منها الغنى
مين قبلكو خان ارضنا
ومن خير اراضينا اغتنى
عادو بلادى ماتشاؤو
انتم خلاص مش مننا
ولو نضحى بالنفوس
لم راح نوفى لامنا
نبذتكو ارضى كمنبوذين
روحو هناك متجوش هنا
روحو للعدو اللى اشتراكو
روحو للمطامع والهنا
روحو للى يديلكو الفلوس
لجل اما تقتلو جندنا
منكو براءه ياطامعبين
انا والبلاد يوم حشرنا
انا مش ضعيف ولا يوم
راح اخضع وانحنى
انا طير جرىء رافض
الغمامه ف جونا
عكرتو صفوى بجوكو
حطمتو فى قلوبنا المنا
فمتزعلوش لما ابقا اثور
واقلع جزوركو من هنا
انا ابن بار بامته
وبعزتى هبنى البنا
وبعزم صادق وبايمان
وبكف صلب ماهنحنى
انا م البلاد ارضى هنا
راح اصون جدودى ومجدنا
ومش هسيبكو
تسلمونا للعدو يزلنا
انا طير جرىء رافض
الغمامه ف جونا
