أرضي يا ابن أدم علشان ربنا يرضي عنك
بقلم :- شيماء ربيع
لما تتعب من كل حاجة
لما تحس بوجع وانكسار
لما تحس بالأحباط
لما تحس ان الدنيا جاية عليك بزيادة
لما خلاص طاقتك تنفذ
لما تحس أنك خلاص لوحدك
وما فيش أمل في بكرة
ولا حاسس بتفاؤل ولا حاسس بأي حاجة حلوة
لما تحس ان الدنيا بتضيق عليك وبتتقفل في وشك
يااااااااه لما الوجع يتمكن منك
والأحساس بالوحدة
والأحساس باليأس
وان ما فيش جديد في حياتك
وأنك فقدت كل شئ وما فيش أمل في بكرة
ورغم كل اللي انت فيه تلاقي الناس باصيين ليك في كل حاجة مع انك أخذ منك حاجات كتير اوووووووي ومفتقدها بس هي دي البشر بتبص بس للي في أيد غيرها ومتعرفش ممكن يكون ربنا أخذ منك أشياء ومعوضك بأشياء أخرى….
مثلا في حد ربنا كرمه بالمال وأخذ منه الصحه ايه بقى فايدة المال هيرجعله صحته اكيد لا
في حد ربنا كرمه بنعمة الصحة لكنه فقير فربنا معوضه بالصحه وأخذ منه المال
في حد ربنا أداله محبه الناس وأخد منه حاجات كتير بس يكفي محبه الناس كلها ليه
في حد ربنا أداله جاه وسلطه وأخد منه محبه الناس ومكروه من البشر
في حد ربنا أداله الوسامة والجمال
وأخد منه حاجات كتير
وده يعلمنا ما نبصش لحد في عيشته ولا في حياته ولا في شغله ولا في بيته ولا على شكله ولاعلى اولاده
لانك ما تعلمش ربنا أداله اه حاجة حلوة واخذ منه حاجات كتير
ركز في حياتك ونفسك وبس وسيبك من حياة الاخرين
أشغل نفسك بحياتك أنت بس ربنا هيكرمك
الدنيا دي مدرسة كبيرة واللي يعيش ياما يشوف
السعيد أمام الناس تعيس في الحقيقة
واللي دايما بيضحك حزين من جواه
والحزين دايما امام الناس أوقات بيغزي العين عنه منعا للحسد
السعاده والحزن بأيد الله عز وجل
ما فيش أنسان كامل لان الكمال لله وحده
وما فيش حد سعيد مليون في المية
لقوله تعالي ( ولقد خلقنا الانسان في كبد ونعلم ما توسوس له نفسه ونحن أقرب إليه من حبل الوريد)
نصيحة لكل رجل أو أمراة ركزي بس في بيتك وولادك ما تركزيش مع صحبتك عايشه ازاي وجوزها بيعمل معاها ايه ولا بيهاديها بأيه ولا هي عايشه في قصر او فيلا او بيت على قدها
وانت كمان ما تركز مع صحبك وهو بيحكي اقدامك على مراته وعلى بيته والسعاده اللي بيعشها مع مراته ممكن يكون ده كدب وممكن يكون حقيقه
أرضي باللي ربنا قسمه ليك
لقوله تعالي ( لو علمتم الغيب لأختارتم الواقع)
تحياتي لكل راجل أو ست راضي من جواه عن نفسه وعن حياته والمقسوم ليه
قول دايما الحمد لله علشان ربنا يزيدك من نعيمه ويفضل جنبك ومعاك
( لو شكرتم لأزيدنكم)
أوعا تسخط على قضاء الله
أصبر وأحتسب عند ربنا
وهو شايلك الأفضل والصالح ليك
