ط
مسابقة الشعر العامى

إسكِندرية في الشِّتا.. مسابقة الشعر العامى بقلم / حسام حسن من مصر

الإسم: حُسام حَسَن
البلد: مَصر
المحافظة: الإسكَندَرية
Mobile: 01283456732
E-Mail: [email protected]
مسابقة: شِعر العاميَّة
إسم القَصيدة: إسكِندرية في الشِّتا

إسكندرية في الشِّتا
مِتعَوِّدة..
تِملا قُلوب العاشقين حَبِّة وَجَع!
ماسبِتش حد إلَّا اتوجَع..

حتّي إسمه إيه..
إبن البَلد..
حِتّة ولد!!
عيل جَدع..
ضَرَب الوَّدع..
شاف البِدَع..
بيّاع قُلُوب ولا يوم خَسَر!
دلوقتي بقي
بعد البعاد
زي الرَّماد..
تَحت المَطَر
قلبه إتعَصَر..
وماجبش غير غُربة وحنين!

عمّال بيهرَب مـ الشِّتا..
والذِكرا لسَّـة متبتـة..
ويتـدَّفـا فِين؟!
في إسكندرية..
البُعد غِيَّـة
في إسكندرية..
الفُرقة دِيـن!
في إسكندرية مفيش دَوا للباردانين..

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى