ط
مسابقة الشعر العامى

إسمك ..مسابقة الشعر العامى بقلم / محمد السخاوى من مصر

محمد الشخاوى من مصر
مسابقة شعر العامية
ــــــــــــــــــــــــــ

اســـــــمك
ـــــــــــــــ
أنا عشقت الكلام

لأن فيه اسمك

تغريدة متلحنة بتدلني عنك

اسمك عبير الشفايف لما تتلكم

اسمك أنين الروح ساعة ما تتألم

اسمك جمال بنقشه على طرف منديلي

يابو الإيدين دافيين

والوردتين طارحين

مين اللي راويهم؟!

خلَّا طيور الهوى

حطّتْ حواليهم

وعيونك الصافية

أنا قريت فيهم

أجمل حروف الكلام

وتفسره ضحتك

يفسره الابتسام

وتشرحه بهجتي ساعة ما اناديلك

وامشي أقول اسمك

تصدح أغاني الربيع

اسمع نغم اسمك

وتهب ريح الخريف

اتدارى في اسمك

ويضم ليل الشتا قلبي على اسمك

يتدفّا بحروفه

واصحا في عز المنام

أنطق واقول … اسمك.

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى