إلى اللحمة
عاشقين و تقلانة علينا
نتمنى نظرة بعنينا
والخوف لا تلبس تحجيبة
والعيبة مين راح يواسينا ؟
عايزينها دايما عريانة
بيها الشوارع مليانة
واحلف يمين ما ح نتحرش
طبع الأدب موجود فينا
……….
وحياة أبوكى التور حنِّى
عاتبينى لو زعلانة منِّى
لو تيجى تسكنى تلاجتى
القلب يرقص ويغنى
وأكيد ولادى اللى نسوكى
ويوماتى عايزين يشوفوكى
لو كنتى زعلانة نصالحك
ونبوس كلاوى اللى جابوكى
زعلك ده ما يهونش علينا
………
العشرة ليه هاينة عليكى ؟
ما نسينا لحظة أيامك
عاشقينك أحمر مع أبيض
ونموت فى شغتك وعضامك
حبينا كل ما كان فيكى
والكل واقف قدامك
وعشان جمالك آهو جينا
آآآآآه ….. يا حبيبى يا لحمة
