أنت عربى أكيد
ماتغيرشى ف العنوان
تمسك بالعروبه
دى أجمل الأوطان
وربك من فضله علينا
أنزل بها قراَن
احفظ ياسيدى لسانك
ماتقولشى كنا وكان
وبلاش كلامك دخيل
يطمس لنا العنوان
ادفع باللتى هى أحسن
خليك كده سلطان
دبنك هو المعامله
وتكريمك للأنسان
ازرع زهور العروبه
فى أجمل الافنان
خلى لسانك صاحبك
مايكونشى عدو جبان
لسانك لو كان حبيبك
هيكون مع الرحمن
وتدخل معاه فى الاخره
لجنة العدنان
وان كان لسانك شر
هتعيش ياسيدى تعبان
وتكون معاه فى الاخره
فى جحيم عزاب نيران
اياك تكون كداب
هتعيش ياسيدى حيران
أصل اللسان لو خاب
أكيد وراه شيطان
لو كنت عربى أكيد
ماتهدش البنيان
ادفع كده بالخير
وماتلومشى ع النسيان
واحفظ ياسيدى لسانك
وماتغيرشى ف العنوان
******************
******************
بقلم عيسى عبد الرؤوف
