إن مال عليك الزمن …للشاعرة / إيمان مصطفى

إن مال عليك الزمن …
ميل على دراعك…
سر الالم جواك …
هيداوى اوجاعك…
إزرع بكره بإيدك …
محدش يوم يسيدك…
إرسم صور حياتك …
لونها بزيت صفاتك…
خطط مدار لذاتك …
تحقق معجزاتك
لويوم ف قطر فاتك …
بالعزم اصنع جديد…
أكيد تقدر اكيد
إهدى الموت الحياه …
وإهدى الحياه أمل
لو يوم يتوه نهار …
دا عادى محتمل…
ركز وارسى ف مدارك …
حلمك راح يكتمل
صحى الأمل اللى مات…
إنهض عيد اللى فات…
الشمس فى الشروق…
بتدوب الاهات
وسحاب المستحيل …
فى غياب نجمك دليل
وإياك فى يوم تميل …
وقلبك لسه حى…
وان مالت تانى مره..
إفرد عودك وشد…
يلا اتنفس حياة …
وفى كل خطوه مد
ولو عودك يميل ..
تجمد و متقولشى..
دالى نفسه الحياة ..
عينه مبتنمشى
بيحول سنينه …
الى تاهت خطاوى ..
ويزرع عقول ..
الى كرهه غناوى
يخضر السحاب ..
ينبت العناد ..
بعوده الشديد ..
المفرع ونادى
يضلل اراضى ..
بحبه الى راضى
ويعدل بإيده ………………..جدار الزمن
ايمان مصطفى