------ معزوفة مصرية ------ -------------------------------- يا صاحبة التاج العالي يا حبيبتي يا ام التوب لخضر شريانك الغالي رواني بميه أحلي من السكر نايم ف حضنك يا بلادي ولا عمره يا حبيبتي إتعكر علمني اعزف موالي لنيل من الشهد مكرر يا حبيبتي ي ام التوب أخضر بفخر يا مصر لأني ابنك بفخر يا أمي يا جباره أصل التاريخ مكتوب بسمك و أزهرنا للعلم مناره لو يسألوني ف يوم عنك أقول ي تاريخ ي مجد و يا حضاره ولاده دايما يا بلادي لشباب حنون كله جساره يا حبيبتي ي ام القلب أخضر الصحرا بعد اللون لصفر صبحت يا أمي بساط أخضر جنه و فيها مصانعها ونخل عالي بيتمخطر و البركه ف إدين زراعها بتحدي قالوا الله أكبر عروسه لو شافها عدوك ح يموت بغيظه متحسر يا جميله ي ام التوب أخضر الحب بينا شعار مرفوع الحب فوقنا علم عالي مفيش طوائف مهما يكون مفيش جنوبي و شمالي و الفتنه بينا دي شئ مرفوض دا المصري وطنه عليه غالي يجود بدمه وروحه تهون في سبيل ترابك ي بلادي يا صاحبة التاج العالي من ديوان / مواويل مصرية بكر بسيوني
