ط
مسابقة الشعر العامى

اخيرا عرفتيني . مسابقة شعر العامية/ بقلم / عبد الناصر السمتى

( خاص بالمسابقة ) عامية الأسم/ عبد الناصر محمد محمود؟ اسم الشهرة / عبد الناصر السمطي: ت/01227722589 // 01112516616 ____________________________________ .. اخيـــــرا عرفتينـــــي
————————–

اخيــراً عــرفتينـــي
ما أنا كان م دمعـــي
بتشـــرق شمســـك
وفى ضحكـــي
بتغـــرب جــراحــــك
ماســك في آذان العشـــا
بصــــــرخ ……
لغايـــة الفجــر ما نام
على سيــرتـــك
طفل بيرضع نــواحـك
ونـيـلك
عطشـــان بيشــرب
من دم الشهـــدا
نـــور ضلامـــك
اخيــــرا عــرفتينــي
ياما هــذيــت
جـــزوع السمـــا
ورسمت ع الفضـــا
مــلامحــك
انا إبنك اللي باقي
ف قـــرأنك وانجيلك
وطــرحــك….
طرحك اللي سقيناه سوا
من دعـا الفلاحيـــن
وغنـــوة العمــــال
ف شقـا فـرحـــك
اخيـــرا عــرفتينــي
و إزاي
ما أختـيــش بالـــك
وأنا قاعــــد
جنب العصــــاري
بتغنى بجمــــالك
وأوصف لحبيبتي
حسنـــــك
وكيــف كنا
نحضـن ســوا بــلادك
نآكل تمر الـــواحـــات
في الشـــروق
ونتغـــدى
على ريحــة البحــر
ف اسكندرية
والمـــوج يداعب
دلالـــك
إزاي
ما أختيـــش بالك
وأنا بجري ف عــروقك
من سيـــوة لأســـوان
للــدلتــا
ولأخــر شمــالك
ف الســــويس
كنت جنـــدك
وف العــــريش
كنت احتمــــالك
اخيـــرا عــرفتينــي
شــوفتينـــي
وانا ببنــي
بشجــر النـــــور
حــــدودك
وببني بنجم الليــــل
اشتيــــاقك
يا مصر يا مصر
أوعــاكي تنسيني
وتنسي رجــــالك
اللي شقــــوا
بدم الـــروح جبالك
واللي قطفـــوا
الخـــوف من رحـــالك
واللي صانــوا العهــد
ساعة اغتـــرابك
واللي عنــوا
في شــــوارعك
عنـــــــوة
المــوت والحيــاه
لأجل تفضل بسمتك
فوق الوشوش عنوانك
اخيرا عرفتيني
اخيرا عرفتيني
******
شعر/ عبد الناصر السمطي

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى