من مصر- القاهره -سمير عبد الحليم المصرى [email protected] (الأمه المصريه)
اول كلامى
سلامى
على حبيبتى
مصر
اللى شمسها تصحينى الصبح
وعلى صفحة النيل فى الغروب
العصر
فى حبك يامصر حتغزل فى كل الاشياء
واقول كما اشاء
لنيلها وارضها
ونخيلها واهلها
2
لما كنا ضغيرين
ومش عارفين يعنى ايه
احنا مصريين ولا يعنى ايه مصر
من الحرف مستغربين
نسمعها ونقولها
ونعيد ونزيد
فى طابور المدرسه
وقت النشيد
كنا نسئل هى مصر مين ؟
ومين هم المصرين؟
يضحكوا علينا الكبار
واحنا مش فاهمين
3
سئلت يوم جدى ؟
يعنى ايه مصر
قالى :
مصر الصبيه الحلوه المتغندره
لو شوفتها
ما تقدر بغيرها تفكر
وان غابت عنك
صحتك تتأخر
فقربها كل الهنا وكل المنا
وتبعد عنها
تخسر
احترت اكتر وما بقيت عارف الاسباب
قالى حب مصر لو تعرفوه
انا ماعارف اوصفه
مصر يا ولدى اسئل عنها اللى اتغرب
واللى تاه فى غربته وغاب
اقرأ سطوره وكلمته
فى اى جواب
4
مها قلت فيك يا بلدى من مواويل
ما يكفينى فيكى
عمر طويل
نفسى اعملك كل شىء جميل
امسح من على جبينك العرق
وارسم سلاح ومدفع ودرع
ليكى على الورق
لجل ما اطمن عليكى
ولا اخاف عليكى
ولا احس بقلق
وارجع لك الضحك
اللى منك انسرق———–بقلم سمير المصرى
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
