. 
من حقنا نفرح ب العيد
وبنصر سينا من جديد
يوم الكرامه والشرف
والحق عاد وأتعرف
ومصر خلعت حزنها
وإتكحلت بكحل العيد
وأفرحنا ب النصر المجيد
بس اللى ظاهر من غير قواله
وحقيقه باينه كده وايانا
من يوم ما رجعت أرضنا
كل الصهاينه معاديانا
والحرب لسه شغاله
فى أيدين بتلعب جوانا
بتهدنا مش سايبانا
تزرع فى فتنه فى نسيجنا
ميهمهاش الا أذانا
تضرب شبابنا ب الهروين
من غلهم كده مش ساكتين
وهيفضلوا كده وايانا
على حرب دايمه ليوم الدين
وأنسوا السلام يامحترمين
دول للهزيمه مش ناسين
وأقرا التاريخ وبص وشوف
ده كل شيئ أصبح مكشوف
وف الجراب ياما نشوف
وطبعهم أضرب تغلب
تحت الحزام من غير ما تشوف
وودهم مش مألوف
غدر الوعود من أفعالهم
والغش دايما راس مالهم
وف الخيانه ميتوصوش
كلمات الشاعر محمد ثروت عبدالحفيظ
