مسابقة الشعر العامي – محمد العجمي – مصر – 01149843746
الحقيقة.
___________________
اسمع حقيقة ناس غواها
شيطانها عاشت في الغرام
فضلت تضل سنين ف روحها
لحد ما اتمنوا الحرام
خدنا الزمان على كفه يوم
وف حضنه مره ضمنا
من شدة الحنية قولنا
دي احلي لحظة ف عمرنا
ف صاحبنا ناس وعرفنا ناس
وبقت تفارق حيينا
أيام ملاها الخوف خلاص
ماعادشي ينفع تتحكي
وقفت حياتنا وذكرياتنا
بتجري لسه ف دمنا
أوقات كتير نرضى بمصير
الموت عشان لحظة حنين
نعشق ف ناس سافرت خلاص
قبل اما تعشقنا بسنين
عارفين نهاية كل كدبه
وعشنا دور المخلصين
واما الفراق بيجيلنا نبكي
نقول حرام عشرة سنين
لما بقرارنا اختارنا نارنا
ف ليه بنرجع ندمانين
خايفين يفرقنا الزمان
عن حد صادف وشنا
فبنلمس الحضن الجبان
وبنرمي روحنا ف حضنهم
فبيرضوا بينا ساعات عشان
شهوة شباب بتشدنا
واهي دي حياتنا ب 1000 حال
بنشيل زنوبنا وزنبهم
لو كنا دايما مؤمنين
إن الحياة قسمة ونصيب
ولو التزمنا يا ناس بدين
مانشوفش قلب يعيش غريب
مش كل طير سافر بعيد
كان حلمه يبعد عننا
في ناس كتير راحت اكيد
لكن قريبة مننا
أوقات كتير نحضن حاجات
منحسهاش من قلبنا
بس احنا عادي مهمناش
مبقتش تفرق عندنا
معرفش من أسوة حياتنا
علينا اسة نفسنا
ولا احنا قولنا خلاص شيطان
وزرعنا جهله ف عقلنا.
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
