الشاعر حماده النخيلى
الاسم احمد ربيع سليمان النخيلى
مصر الاقصر
01117557527
قصيدة عامية بعنوان (( الليل والشعر))
الليل شَجَر للوِحدَه طارح هم
والوِحدَه صوت للقلب ليه بتضُم
والقلب روح مسكون بخرس وصُم
والروح على ليل الشجر مشنوق
إنْ قُلت فين راحوا الحبايب عاد
يجاوبنى صوت الشوق ماهمش بُعاد
والشوق قاتِلنِى وكل شىء بمعاد
وصوت الحبايب فى الحشا مخنوق
سهران تِسَابق خِيلها الأفكار
فِكرة بتسبق ذكرى فى المضمار
والذكرى بير والفكر مالو قرار
يا فجر إسبق لاجل على يفوق
مين اللى قال الحرف بحر وَّزن
مِيتى المشاعر بس تحتاج إذن
ساعةِ المخاض يتولد الفرح مِ الحُزن
والكل حتماً من كاساته يدُوق
المعنى طفل بيتولد مش قيْصَرى
وان رحت غصب تولَّديه ما هتقدرى
حبل المعانى هوَّ إبن تصوُّرِى
مش كل سلعة تتعِرض فى السوق
