خاصة بمسابقة همسة
احمد محمود عبد المحسن
01144161511
حبة رتوش
مين اللي قال
إن الكبار ما بيضعفوش
ما بيحتاجوش
مين اللي قال
إن المشاعر عندهم حبة رتوش
طب مين اللي قال
إن القلوب بالوقت تتحول صخور
بالعكس دي بتصبح ارق
ومعتقة زي العطور
وقادرة تطرح بالأمل
وتطير لفوق. زي الطيور
جواها. حب ونور. وخير
بيكبروا ما بيصغروش
انا شعري ابيض اه صحيح
لكن جوايا احتياج
اللي. في سنك ما يشوفوش
ما يحسهوش
علي قد خبرات السنين
قادر إبان جامد ورزين
لكن جوايا حنين
وحاجات كتيرة
مع السنين ما بيموتوش
جوايا حد كلمة حلوة. تفرحة
جوايا عاشق الخيانة بتجرحة
جوايا طفل حضن امة بيوحشة
في حد فينا الحنان ما بيوحشوش
اياك تفكر أن عمرك انتهي
وحاجات كتير
ماتقولش دا مش وقتها
في بكرة جي
فيك قلب حي
عيشوا وحبوا وافرحوا
ما تكسلوش
واحبك ياللي. في جمالك
ما شفتهوش
حبة رتوش
بقلم
احمد محمود
