احمد فتحي حامد عوض
بني سويف
مصر
رقم الهاتف والواتساب/01147303696
صفحة الفيس بوك ahmed fathy
شعر عامي
قصيدة… الراوي مات
اكسير_وجع
حبة بقع
علي قلبي لسه معلمة
رافضة الرحيل
لميت رقع
عمال بخيط فالجروح
يمكن أثارها ف يوم تزيل
عمال بميل
والآه تكسر وحدتي
والسين تجر وراها ميم
اناااااا مين؟؟….
كنتي الملاك
وانا كنت ليكي شيطان رجيم
وانا كل مرة اقول هموت
في صوت فقلبي ….يقول أمين
بضحك عشان
علشان عبيط
لاني شبعت مالتخبيط
لان جروحي مش قابلة إلى التخييط
بتعاندي ليه
وتزيدي ف العلة
حتي الغريب ممنوع يحب شريكه ف الغربة
عيل يوماتي يا ناس
وبيجري ع اللمة
بيداوي يومياً قلوبهم
تلك التي اسقته مالغمة
وبيتركوك يا غريب
كالكهل ف التربة
سيبوني لاجل مخدتي ف حضني
تحضني انام
ماهو هيا شبعت م البكا ل ايام
و لا مرة قالت ااه
ولا شاف بكانا الناس
وقعدنا يوم ع البار
طلبتلي هي الكاس
والسهرة صباحي
وانا جرحي مش صاحي
عذرا يا سادة هناك
هوقف السكوسية
عندي سؤال واضح؟؟
بتسقفوا للشعر
ولا على جرحي
ودموع بتبكي عليه
بتسقفوا ع الشعر!!!! ؟
بتسقفوا علي ايه؟
…………………………………………………..
بالله يا ست الحسن
ما تجيلي وقت منام
موجوع وانا صاحي
وكمان ف وقت ما انام
كنتيلي إيه انتي
وانا كنت ليه غلبان
انا كنت اضعف من لقاك
انا كنت ريشة في جسم طير
قد اقسمت سمواتك انتي لكسرته
قد أقسمت على موته رهن المعصية
كنتيلي إيه؟
كان نفسي تبقيلي أنا
إنتي أنا
كان نفسي يوم الاقيني ف سطور الصور
بس الحقيقة هناك
لقيتني ميت من سنة
