فى حفل عائليى بهيج احتفل الشاعر د. جمال مرسى بخطوبة ابنته الآنسة سلمى جمال على ابن خالتها المحاسب محمد عبد الصادق ومجلة همسة ورئيس تحريرها فتحى الحصرى يتوجهون للشاعر د. جمال مرسى بأرق التهانى وعقبال الزفال ان شاء الله .وبهذه المناسبة فقد أنشد الشاعر تلك الأبيات الجميلة احتفالا بهذا الحدث السعيد
ـــــ
أقولِك ايه ف. يوم فرَحكْ
و حرف الشعر متلجم على لساني
دا إنتي أول الأفراحْ
و نجمه نورها رباني
و انا اللي أبويا رباني
زرع فيا بذور الحب لولادي
و أوطاني
و علاني و كان باني …
مبادئ عمرها أبدا ما تتغير
و عمري ف. يوم
ما كنت أحسب و لا أفكر
بأن البنت .. بنت امبارح السكر
قوام تكبر
و تبقى عروسه ف. الكوشه
جمالها بيضوي و ينورْ
و اقول تاني
انا اللي الشعر كان صاحبي و عنواني
في يوم فرحك بيهجرني و يعصاني
دا يمكن دمعة الفرحة اللي جوه عيوني حابسها
و حاسسها
مخليه الكلام يهرب
لكن قلبي اللي بيحبك زعل مني
و راح يعتب
و قام يكتب
يقول يا رب تحرسها
و تفرح سلمى و عريسها
و أجمل شبكه تلبسها
ساعتها الدنيا تضحك لي
و ييجي الشعر من تاني
و تبدأ سلمى و محمد طريق بكره
و حدوته في حدوته
و بكره حتطرح التوته
أمانه يلللي سامعيني تشدّو لسلمى زغروته
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
