ابراهيم على مصطفى أبو السعود
الشهره/ابراهيم ابوالسعود
مصر – الاسكندريه
٠١٠٢٣٥٤٨٥٩٣
الاسم على الفيس بوك/ابراهيم ابو السعود
قصيده شعر عاميه
“الشرع حلل أربعه “
الشَرع حَلل أربعه
وانا بردوا بيكى اكتفيت
قاعده فقلبى مربعه
وكأنى من بعدك عِميت
قال المثل
وقت القدر يعمى البصر
وانا كنت شايفك
كسرت يومها كل الحكم
وبقيت كجفن متغطى من رمشك
عبدالوهاب كان هنا
مر من جنبى
وانا كنت جنبك شفتينى وضحكتى
مع ان صوتى نشاذ… غنيتلك
وسمعتى صوتى وبردوا ليا ضحكتى
طب اقؤل انا واحكى ايه أو ايه
كل ده كان ليه … لما شفت عنيه
مش راح اقؤلك شِعرك
ولا حتى رمش عنيكى
ياصبيه من بعدك
القلب عايش ليكى
لاجميله الجميلات
ولا حتى اعظمهم
ولا حتى حوريه جايالى م الجنه
ولا واحده بتعدى فتمر كالثانيه
ولا كنت بقصدها يوم قلت جنّية
انتى اللى بعيونك نمشى بلاد الله
لأجل اما يرزقنا ربى بنظرتهم
وانتى اللى لرضاها نعملها ١٠٠ زار
ونلف علشانها دراويش بدف وتار
ونزفها ملكه على عرش كل النسا
بايدينا نبنيلها سور يحجب الرؤيه
ولا حد يلمحها سوى رايدين الدار
حبيتك انتى وبس
بلا احم ولا دستور
على يا حلوه السور
عليه كمان وامحى كل اللى قال حبك
سامحينى لو بكدب
أو حتى لو بكتب
لاجميله الجميلات ولا حتى اعظمهم
وازاى أقارنك بس مع حد مش زيك
انتى الجمال كله
وانتى اللى ليكى الرضا
وانتى اللى صوتك صدا
وانتى اللى رمشك لينا من شمسنا ضله
ريقك ده منه السكر
نبتاع بخمر حلال
عبدالوهاب لحن واللحن ليكى انتى
وانتى اللى علشانك نطلع جبال وجبال
نسندك على رمشك لو حتى ضهرنا مال
انتى اللى مش من الدنيا… مايكفكيش المال
كفاياكى كبر وتقل
بزياده خفى دلال
اللحن ليكى انتى
والغنوه علشانك
والشعر غنالك
غنوتين للحب
انا كنت ايه قبلك وغيرك احب ليه ؟
كل ده كان ليه لما شفت عنيه
