ط
مسابقة الشعر العامى

الشعر الأبيض .مسابقة الشعر العامى بقلم/ فايزة احمد محمد .مصر

خاص بمسابقة الشعر العامى
الاسم فايزة احمد محمد
اسم الشهرة لبنى آل ريحان

1976
كنت في السابعة عشر من عمري
اغنية
الشعر الابيض

ف ساعة م الساعات
هيبقي شعري ابيض
واتذكر اني كنت بنت صغيرة
واقول ياريتني اصغر
ولو مرة في حياتي
ترجع تاني السنين لو مدة قصيرة
واشوف حبايبي تاني
ويتكلم لساني
ونحكي الذكريات
بدل مانا ف مكاني
بافكر في زماني
واقلب صفحات

واقولهم فاكرين
فاكرين الشبابيك
واقولهم عارفين
الشاب ابو بدلة شيك

ونحكي ع الليالي وايام الشقاوة
ومعكسات الجيران
ياما ضحكنا عليهم وكنا بنلاغيهم
ولا نديهم امان
وسكتنا الطويلة وايامنا الجميلة
ومقابلات الميدان

لكن انا ليه بافكر
ودي حاجة مش تعكر
د انا لسة شعري اسود
ولسة صغيرة
ولو فضلت افكر
هافضل متأثرة
وتكون لحظات هنايا
لحظات قصيرة
ده ف ساعة م الساعات
هيبقي شعري ابيض
واتذكر اني كنت
بنت صغيرة
Lobna masr صفحة الفيس بوك

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى