العبور ده مش كلام…للشاعر / صبرى العيسوى

العبور ده مش …
كلام…
ولاحلم شفناه …
فى المنام…
كان وراه شعب…
عظيم…
كان وراه قائد…
همام…
العبور ده مش…
كلام…
لما كان الحب…
بينا…
لما كان البيت…
كبير…
لما كانت مصر…
غنوه…
لما كان البال…
طويل…
لما كنت أنا …
وأنت واحد…
قلنا مافيش…
مستحيل…
العبور ده مش…
كلام…
خالى بالك …
ياأبن عمى…
كلنا كان…
لينا دور…
كنت شايل …
حتى همى…
كات عنينا…
ع العبور…
كنت شغال …
ليل نهار…
لجل ماتصنع…
جسور…
كنا بنفكر…
لبكره لجل…
مانسد الجحور…
العبور ده مش…
كلام…
لما ساعة الصفر…
هلت…
على الصغير…
والكبير…
البوارج يومها…
حلت…
والنسور بدأت…
تطير…
فى القوارب…
فى القنال…
الأسود بدائو…
الزأئر…
هما 6 ساعات…
وحبه…
والانتصار…
كان شيء…
جميل…
العبور ده مش…
كلام…
العبور مش بس…
كلمة…
العبور جهد وعمل…
لجل شمس بكرة…
تطلع…
كلها دفء وأمل …
والمزارع والغيطان…
تنزرع من غير ملل…
يومها تكبر السنابل…
السنابل فى العيدان…
والأجر من جنس العمل…
العبور ده… مش كلام