العشق ..مسابقة الشعر العامى بقلم / نجلاء احمد القط من مصر

نجلاء أحمد أحمد القط
جمهورية مصر العربيه الإسكندرية
رقم الهاتف ٠١٠١٥٠١٤١٠٤
قصيده عاميه بعنوان
العشق

العشق سيبه مطرحه

ماتلمسوش ولاتجرحه

لما المشاعر تبقى بور

راح تجنى إيه أو تطرحه

الشوق نسيم سافر إليك

وبعادك انت ماريحه

شجر الحنان مروي جفا

ونيلك دا بحر مملحه

والحضن مروي بالدفا

طيفه ف سماك ما بتلمحه

كتاب سنين عمرى اكتفى

لاحتقرأ فيه ولاتشرحه

غرقت خلاص الذكريات

ولا عادوا فيك راح يسرحوا

كفروا خلاص ببحور عنيك

ولا فيها قادرين يسبحوا

ترسم خيوط النور حنين

عطر بقساونك تمسحه

ينزل على جبين السنين

ومع الليالي بيتمحوا

والله اللى خلى روحى فيك

وبكل مين ليه سبحوا

أنا كنت بضحك وادعي ليك

لحظة ما قلبى بتدبحه

نجلاء أحمد أحمد القط