خاص بالمسابقة العامية للشاعر سهي المصري
تابلوه القسمة على المقسوم
1
الحياة دى كام ترام
وأنا بين ترام وترام
مملة اللحظات
مزحومة بالأفكار
المتخدرة بسجارة صباحية….
بكام مذيع وإعلامية
2
وفى المسا يحيا الكلام
على ناس لفوا الوطن
فى سجارة بنى متغمسة
بطعم الأسى
على كام نفس جوزة
تخرج بأى كلام
ولو اتمسك هيقول
أصل سكارى
.. من مر الحياة
و زى ما اتقال :
ليس على المسطول حرج
3
افهمى بقى عقلى اللى تاه
وأسمعى صوت الوطن وقت الادان
الله اكبر على كل اللى شاف الثورة
ولاصلاش على الهدف
الله أكبر على كل اللى شاف شهيدك
ولا صلى على الشرف
