(القمر روَّح)
حتي القمر روَّح
و إنت ماروَّحتش
ضي النهار شاوِر
و إنت ما سلمتش
نني العيون تايه
جفني ما بيرفش
قالوا ده مش راجع
أنا ليه ماصدقتش
لما البعاد طوِّل
إزاي ما فكَرتِش
إن الحنين يقتل
هو إنت ماعرفتش ؟
مٌر الفراق علقم
أصلي ما جربتش
يومها شافوك عالبر
و أنا برضه مالحقتش
أتاريه ده حكم القدر
و أنا اللي مافهمتش
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
