اللهم إجعله خير
—————
مشوار طويل
وف سكتي شفت الدليل
وشعور سعادة مزيفة
والليل طويل
والشمس عاشت ل حتجاج
ولملمت كل الخيوط
المرفوعين فوق الشجر
أوقات بحس ان العنيين
معصوبة بخيوط الزمن
وأهي كلها حبة محن
أو نوم طويل
أو حلم من بين المعاني المؤلمه
(( برضه أحتمال ))
مشوار طويل
وف سكتى شفت الدليل
وخواجة مش عارف كلام
بيحل لغز المسأله
اية المشكلة
وحزين بيشكي للي كاتم ضحكتة
شلال ألم يحضن طوفان
من المأسي المضحكة
وعيون تعدي بسحرها كل أتجاه
ووشوش مغطيها الصدا
يمكن فضا
يمكن قضا
يمكن فيران بتحب صوت القرقضة
مشوار طويل
وف سكتى ضاع الدليل
والارض محفوره بألم
نقش القلم
نفس المعاني المحزنة
صوت الأدان
صحاني من نومي الطويل
أهلا بنور الفجر
ف اليوم الجديد
أهلا بنور الحق
للقلب السعيد
نويت بقلبى للصلاة
النور على كل إتجاه
الله أكبر
————–
علاء أبوذكري
